Amor

Gas, dixo él, ámame

bésame

besa los mios llabios

besa’l mio pelu

los mios deos

los mios güeyos, el mio cerebru

faime escaecer.

Gas, dixo él, ámame

Él tenía una habitación nel tercer pisu

refugáu por una docena muyeres

35 editores

y media docena d’axencies d’empléu

y nun digo qu’él fora nada

bono

abrió tolos fogones

ensin encendelos

y marchó pa la cama

delles hores más tarde un paisanu

yendo a l’ habitación 309

encendió un pitu nel

hall

y un sofá esnaló pela ventana

una paré españó como arena húmedo

una llume púrpura amburó a 20 metros nel aire

l’home na cama nun lo supo, nin-y importó

pero tengo que dicir qu’él

tuvo bastante bien

esi día.