Cuando pienso na mio muerte

pienso en coches aparcaos nun

aparcamientu

cuando pienso na mio muerte

pienso en sartenes

cuando pienso na mio muerte

pienso que dalguien te fae l’amor

cuando nun toi

cuando pienso na mio muerte

tengo problemes p’alendar

cuando pienso na mio muerte

pienso en tola xente qu’espera morrer

cuando pienso na mio muerte

pienso que nun podré beber nunca más

cuando pienso na mio muerte

l’aire tórnase dafechamente blanco

les cucaraches na mio cocina

cimblen

y pienso que dalguien tendrá que tirar

la mio ropa interior llimpio y puerco

mui lloñe.