Asperando a la muerte
como a un gatu
que va blincar sobre la
cama
toi mui atristayáu pola
mio muyer
ella verá esti
tiesu
y blancu
cuerpu
ximelgarálu una vegada, quiciabes
de nueu
“Hank!”
Hank nun
respuenderá.
Nun ye la mio muerte lo que
m’esmolez, ye la mio muyer
abandonada con esti
bálagu
de nada.
Quiero
que sepia
sicasí
que toles nueches
durmiendo
a la so vera
fasta los argumentos
más fatos
foron coses
siempres ablucantes
y les difíciles
pallabres
que siempres tarrecí
dicir
pueden ser
diches agora:
Ámote.
No hay comentarios:
Publicar un comentario